Descrición do xogo
Phase Shift é un xogo de puzzles en 2D onde asumes o papel do Suxeito 44, un científico atrapado nun experimento cuántico. A túa conciencia existe en múltiples fases da realidade simultaneamente, e o teu obxectivo é completar 20 niveis antes de que a túa coherencia cuántica colapse (a túa barra de vida).

Mecánica e Instrucións:

Movemento: Por quendas (W/A/S/D).
Fases Cuánticas (Z): Cambias de fase (Vermella, Azul) para atravesar muros da cor oposta (interferencia).
Superposición (ESPAZO): Creas un "Eco Cuántico" que grava e repite as túas accións, permitindo activar varios botóns á vez.
Entrelazamento(E): os enemigos seguen os teus movementos
Obxectivos: Recoller chaves, activar portais e chegar á saída.

Material Propio: o código do xogo (lóxica, física, renderizado), o deseño dos niveis e a implementación das mecánicas cuánticas foron elaborados en linguaxe C.
Material axeno:
Motor: Raylib para o manexo gráfico e de ventá.
Música: opengameart.org
Servizos: Intégrase coa API de IBM Qiskit nun servidor de python.

Como se relaciona o xogo coa computación cuántica?
O xogo integra conceptos fundamentais da mecánica cuántica non só como narrativa, senón como regras xogables:

Superposición: No xogo, ao activar a superposición, o xogador existe en dous estados: a súa posición actual e o "Eco" das súas accións pasadas. Isto simula como un qubit pode estar nunha combinación lineal de estados base (|0⟩ e |1⟩) ata que colapsa.

Colapso da Función de Onda: Os "Detectores Cuánticos" actúan como observadores. Se o xogador pasa pola súa liña de visión, que son como raios, mentres está nunha fase específica, o sistema "mídeo", forzando un estado (fase) estable e reducindo a coherencia, análogo a como medir un sistema cuántico destrúe a súa superposición.

Túneles e Portas Cuánticas: Para atravesar certas barreiras, o xogo conéctase cun servidor real de IBM Qiskit. Aplícase unha porta Hadamard para crear unha superposición real no backend, cuxa medición determina cun 50% de probabilidade se o xogador logra atravesar o muro ou sofre unha penalización de decoherencia

Entrelazamento: Na mecánica do xogo, ao interactuar cun inimigo (como os "Colapsores"), os teus movementos sincronízanse cos del. Se ti avanzas, o inimigo móvese de forma idéntica e simultánea, sen importar a distancia que vos separe dentro do nivel. Isto é unha analoxía directa do entrelazamento cuántico real, onde dúas partículas (ou qubits) pasan a compartir un único estado cuántico unificado.